Ó þetta heita veður

Eftir að stelpurnar höfðu lagt sig í dag flúðum við til Umeda og í Karaoke í 3 tíma. Afhverju svona lengi? Jú því þegar maður er búinn að borga sig inn má maður fá sér að drekka eins og manni sýnist og það er loftkæling þar. Við fengum okkur reyndar líka að borða það og smökkuðum takuyaki sem lítur svona út...
 

þetta er samt ekki mynd frá okkur. Það var mega gott. Ylfa ætlaði ekki að borða það fyrr en við sögðum henni að þetta væru fiskibollur, sem það er ekki alveg, það er kolkrabbi í þessu hinsvegar.
Ylfa er alltaf að eignast nýja vini, sérstaklega í lestinni. Þegar við vorum að fara heiman frá okkur byrjaði hún t.a.m. að blikka miðaldra konur sem sátu hinumegin við ganginn. Þær ætluðu að tapa sér yfir því hvað hún væi "kawaii". Þá bætti Ylfa um betur og sendi þeim peace-merki og hvolpaaugu. Þær gömlu hreinlega skríktu af gleði. Hún kann'etta. 

Annars eru þær systur sofandi í augnablikinu enda komið kvöld og klukkan að ganga ellefu. Ætla að snúa mér að einhverju öðru ... eins og til dæmis nammipokanum.

-Jóhanna